19 сентябрь куни Hyatt Regency Tashkent меҳмонхонасида Араб мувофиқлаштириш гуруҳи (AMG) иштирокида давра суҳбати бўлиб ўтди. Инвестициялар Давлат қўмитаси томонидан ташкил этилган ушбу тадбирда Республика вазирликлари, идоралари ва тижорат банклари вакиллари иштирок этди, деб «Дарё»га хабар берди қўмита ахборот хизмати.
Тадбир арафасида «ИTБ гуруҳи, куни» анжумании бўлиб ўтди. Бунда 2018-2021 йиллар давомида Ўзбекистон Республикаси билан ИTБ (Ислом тараққиёт банки) ҳамкорлик стратегияси тақдим этилди.
Араб мувофиқлаштириш гуруҳи беш молия институтларидан иборат. Булар: Ислом тараққиёт банки, Саудия тараққиёт жамғармаси, Араб иқтисодий тараққиёт Қувайт жамғармаси, OPEK’нинг Халқаро ривожланиш жамғармаси ва Абу-Даби тараққиёт фондидир.
Бош вазирнинг ўринбосари, Ўзбекистон Республикаси Давлат Инвестиция қўмитаси раиси Суҳроб Рустамович Холмуродов сўзга чиқиб, AMG давра суҳбати иштирокчиларини қутлади. Сўнгра қутлов нутқи билан Ислом тараққиёт банки гуруҳи президенти Бандар Ҳаджар иштирок этди.
Ўзбекистон билан ИTБ (Ислом тараққиёт банки) ўртасидаги ҳамкорлик йиллари давомида, $ 926 млн. қийматдаги 17 та лойиҳа, бундан 665 млн. АҚШ доллари миқдоридаги ИTБ кредитлари ҳисобидан. Буларнинг асосий йўналиши: йўл инфратузилмасини, коммунал хизматларни, ирригация, қишлоқ инфратузилмасини қўллаб-қувватлаш бўйича лойиҳаларни, соғлиқни сақлаш ва таълимни ривожлантиришга қаратилган. Бугунги кунда амалга ошириш босқичида умумий қиймати 1 миллиард доллардан ортиқ бўлган 9 лойиҳа мавжуд бўлиб, улардан 840 миллиони ITБ тарафидан қопланади.
Ҳозирги вақтда ҚAИРЖ билан 4 лойиҳа амалга оширилмоқда, улардан иккитаси Соғлиқни сақлаш вазирлиги билан биргаликда амалга оширилмоқда. Лойиҳалар, жумладан, тиббий асбоб-ускуналар билан клиникалар ва махсус таълим муассасаларини жиҳозлаш ва ўз вақтида гемодиализ хамда неврологик ғамхўрлик учун қаратилган. Қишлоқ жойлардаги муҳандислик-коммуникация инфратузилмасини ривожлантириш ва йўлларни реконструкция қилиш бўйича яна иккита лойиҳа амалга оширилмоқда. Ушбу лойиҳаларга киритилган инвестиция миқдори 100 миллион долларни ташкил этади.
Араб мувофиқлаштириш гуруҳи иштирокида меморандум ва инвестициявий шартномалар имзоланди.
Эслатиб ўтамиз, Араб мувофиқлаштириш қўмита гуруҳи аъзолари билан сўнгги учрашув 2014 йил октябрь ойида Тошкентда давра суҳбатида бўлиб ўтган эди.
Изоҳ (0)