«Ўзбекнефтгаз» бош офисида компания раҳбарияти Хитой Миллий нефть-газ корпорацияси (CNPC) вице-президенти Хоу Сисзюн бошчилигидаги делегация билан учрашув ўтказди.
Учрашув давомида CNPC корпорацияси вакиллари Мингбулоқ конидаги М-15 қудуғини бурғилаш жараёнида эришилган ижобий натижалар, Денгизкўл газ конденсат конидаги Хўжасаят участкаси ва Хўжасаят, Хўжадавлат ва Шарқий Олот конларини ўзлаштириш бўйича ишлар жадал равишда амалга оширилгани учун миннатдорлик билдирди.
Томонлар Ўзбекистонда қазиб олинган табиий газни қиш мавсуми ва 2019 йил мобайнида етказиб бериш, «Ўзбекистон—Хитой» газ қувурининг 4-линияси орқали табиий газни етказиб бериш масалаларини кўриб чиқди.
Учрашув давомида CNPC вице-президенти Хоу Сисзюн Мингбулоқдаги М-15 қудуғини синовдан ўтказиш натижаларини сабрсизлик билан кутаётганини таъкидлади. Маълум бўлишича, мазкур лойиҳа корпорация директори Ван Илин томонидан шахсан назорат қилинмоқда.
Шунингдек, Хитой томони Ўзбекистоннинг истиқболли инвестиция блоклари бўйича геологик-қидирув ишларини олиб бориш соҳасидаги сармоявий ҳамкорликни кенгайтириш таклифи билан чиқмоқда.
Изоҳ (0)