«Ўзбекнефтгаз» акциядорлик жамияти таклифига биноан Beicip Franlab компанияси делегацияси Тошкентда бўлди. Бу ҳақда ЎзА хабар бермоқда.
Учрашувларда томонлар углеводород хом ашёсини қидириш ва ишлаб чиқариш билан боғлиқ масалалар, жумладан, қидирув ишлари, конларни ишлаб чиқиш, «Ўзбекнефтгаз» акциядорлик жамиятининг хорижий бозорларга чиқиши ва компания мутахассислари учун тренинглар ташкил этиш бўйича ҳамкорлик имкониятларини муҳокама қилди.
Якунда томонлар ўртасида келгусидаги ҳамкорлик йўналишлари ва таклифлар тайёрлаш бўйича қўшма ишчи гуруҳ тузилди.
Маълумот учун, Beicip Franlab Франция Нефть ва газ институтининг шўъба компанияси ҳисобланади. Компания бугунги кунда 100 дан ортиқ давлатда фаолият юритади.
Изоҳ (0)