Самарқанд вилояти ҳокими вазифасини бажарувчи Эркинжон Турдимов Жанубий Кореянинг АТУ инвестицион компанияси бош ижрочи директори Парк Чонг Эок билан учрашди. Бу ҳақда «Зарафшон» хабар бермоқда.
Учрашувда Самарқанд вилояти ҳокимлиги ва компания ўртасида «Ургут — Самарқанд» йўлининг «Ургут—М39 Ҳигҳwай» қисмида қурилиш ишларини амалга ошириш бўйича ўзаро англашув меморандуми имзоланди.
Унга кўра, Корея компанияси юқори тезликда ҳаракатланиш имкониятини берувчи Ургут автомобиль йўлини қуради. Замонавий технологиялар асосида бунёд этиладиган бу «ақлли йўл» «Ургут» эркин иқтисодий зонаси тараққиёти ҳамда ҳудуднинг аҳолиси турмуш тарзининг ўсишига хизмат қилади.
Мазкур лойиҳанинг муваффақиятли амалга оширилиши келгусида томонлар ўртасидаги ҳамкорлик алоқаларини янада кенг кўламда давом эттириш имконини бериши қайд этилди.
Изоҳ (0)