Ўзбекистон Украинадан камроқ шакар харид қилди, аммо асосий импортчи мақомини сақлаб қолди

2018 йил август ойи давомида Украина шакар ишлаб чиқарувчилари 22,4 минг тонна шакарни ташқи бозорга етказиб берди, уларнинг 79 фоизини Ўзбекистон хариди қилди. Бу ҳақда Украина шакар ишлаб чиқарувчилар миллий ассоциацияси маълум қилди, дея хабар беради «Халқ сўзи».

Бу Ўзбекистон август ойида Украинадан 17,7 тонна шакар сотиб олганини билдиради. Таққослаш учун, Ўзбекистон июнь ойида 34,5 минг тонна, июль ойида эса 32,7 тонна шакарни Украинадан импорт қилганди.

«Август ойи мобайнида маҳаллий ишлаб чиқарувчилар 22,4 минг тонна шакарни ташқи бозорга экспорт қилди. Август ойида энг кўп харидни Ўзбекистон амалга оширди — 79 фоиз. Кейинги ўринларда Озарбайжон (10 фоиз) ва Молдова (6 фоиз) харидорлари қайд қилинди», — дейилади ассоциация хабарида.

Ассоциациядан қайд этишларича, август шакар экспорт қилиш бўйича энг фаол ой эмас, шунинг учун июль ойи билан қиёслаганда чет элга жўнатилган юклар миқдори 39 фоизга қисқарди.