Ўзбекистон ёшлар иттифоқида тузилган маслаҳат кенгашининг навбатдаги йиғилиши бўлиб ўтди. Унда санъат, фан, маданият, ишлаб чиқариш, спорт соҳаларида узоқ йиллар фаолият юритган фахрийлар ва масъул ходимлар иштирок этди. Бу ҳақда «Дарё»га Ёшлар медиа маркази маълум қилди.
Маслаҳат кенгаши кун тартибида қатор масалалар қўйилди. Дастлаб 4 ойлик иш режаси муҳокама қилинди ва тасдиқланди. Шундан сўнг кенгаши қошида фаолияти йўлга қўйилаётган «Тарбия» журналини ташкил қилиш масаласи кўриб чиқилди. Журнал мазмун-моҳияти кенгаш аъзолари ўртасида муҳокама қилинди.
Жазони ижро этиш муассасаларидан қайтган ёшларни қайта адашиб қолмаслигини олдини олиш мақсадида маҳаллий кенгашлар қошидаги маслаҳат кенгаши аъзолари профилактик рўйхатда турган ёшларга масъул этиб бириктирилади. Қолаверса, кенгаш аъзолари ёшларни китобхонликка қайтаришнинг анъанавий ва замонавий усулларини ҳам ишлаб чиқишни режалаштирган.
Изоҳ (0)