Жорий йилнинг 12 сентябрь куни Сурхондарё вилояти ИИБ ходими ўз раҳбарига ахборот бериб, унда шу куни Олтинсой туман ҳудудида жойлашган ЙПХ масканида хизмат олиб бораётган вақтида фуқаро Э.Б. бошқарувидаги Nexia русумли автомашинани тегишли ҳужжатларсиз бошқарганлиги учун, маъмурий баённома расмийлаштириб, жарима майдонига жойлаштирганлигини, шундан сўнг автомашинада бўлган йўловчиси автомашинани жарима майдонидан чиқариб бериш ва жаримани камайтириб бериш эвазига пора таклиф қилаётганлигини маълум қилган. Бу ҳақда ИИВ Жамоатчилик ва оммавий ахборот воситалари билан алоқалар бошқармаси хабар берди.
Мазкур билдирги юзасидан 13 сентябрь вилоят ИИБ ва туман прокуратураси ходимлари томонидан ўтказилган тезкор тадбир натижасида Э.Н. ходимга 310 000 сўм бераётган вақтида тадбир иштирокчилари томонидан ушланган. Ҳолат юзасидан жиноят иши қўзғатилган. Тергов ҳаракатлари олиб борилмоқда.
Изоҳ (0)