Ўзбекистонга 8 ой ичида 3,4 миллион чет эллик ташриф буюрди

Ўзбекистонга ўтган саккиз ой мобайнида 3,4 миллион чет эллик ташриф буюрди, деб ёзади «Podrobno.uz» Бош вазир ўринбосари Азиз Абдуҳакимовга таяниб.

«2018 йилнинг саккиз ойи ичида хорижлик сайёҳлар сони 3,4 миллион кишини ташкил қилди, 2017 йилнинг шу давридаги кўрсаткич 1,5 миллион кишига тенг эди (+126%). Йил охиригача Ўзбекистонга ташриф буюрган чет эллик сайёҳлар сони аввал режалаштирилган 3,3 миллион ўрнига, 4,8 миллион кишини ташкил этиши прогноз қилинмоқда. Туристик хизматлар экспорти 666,9 миллион долларга тенг бўлди, бу 2017 йилнинг шу даври билан таққослаганда (327,3 миллион доллар) икки баробар кўпроқ демакдир», — деди Абдуҳакимов.

Мамлакатга туристлар оқимини янада кўпайтириш учун мамлакатда электрон виза режимини такомиллаштириш, шу жумладан, икки марталик ва кўп марталик визаларнинг, шунингдек, қўшни мамлакатлар билан виза беришнинг комбинацияланган тизимларининг жорий этилиши давом этмоқда.