Темир йўл транспортида ички ва чет эллик сайёҳларга сифатли хизмат кўрсатиш мақсадида «Ўзбекистон темир йўллари» АЖ Испаниянинг Talgo ва Кореянинг Hyundai компаниялари билан янги электр поездлар сотиб олиш ҳақида музокаралар олиб бормоқда. Бу ҳақда Ўзбекистон Туризмни ривожлантириш давлат қўмитаси хабар бермоқда.
Бундан ташқари, «Тошкент йўловчи вагонларини қуриш ва таъмирлаш заводи» АЖ базасида жами сиғими 240 ўриндан иборат бешта вагонни таъмирлаш ва модернизация қилиш ишлари олиб борилмоқда. Ушбу вагонлар 2018 йил сентябри охиригача «Шарқ» поездларида фойдаланишга топширилади.
Шунингдек, чипталарни онлайн сотиб олиш тизими чипталарнинг сайёҳлик агентликлари томонидан брон қилиниши имконияти қўшилган ҳолда модернизация қилиниши режалаштирилган.
Изоҳ (0)