O‘zbekistonga o‘tgan sakkiz oy mobaynida 3,4 million chet ellik tashrif buyurdi, deb yozadi “Podrobno.uz” Bosh vazir o‘rinbosari Aziz Abduhakimovga tayanib.
“2018-yilning sakkiz oyi ichida xorijlik sayyohlar soni 3,4 million kishini tashkil qildi, 2017-yilning shu davridagi ko‘rsatkich 1,5 million kishiga teng edi (+126%). Yil oxirigacha O‘zbekistonga tashrif buyurgan chet ellik sayyohlar soni avval rejalashtirilgan 3,3 million o‘rniga, 4,8 million kishini tashkil etishi prognoz qilinmoqda. Turistik xizmatlar eksporti 666,9 million dollarga teng bo‘ldi, bu 2017-yilning shu davri bilan taqqoslaganda (327,3 million dollar) ikki barobar ko‘proq demakdir”, — dedi Abduhakimov.
Mamlakatga turistlar oqimini yanada ko‘paytirish uchun mamlakatda elektron viza rejimini takomillashtirish, shu jumladan, ikki martalik va ko‘p martalik vizalarning, shuningdek, qo‘shni mamlakatlar bilan viza berishning kombinatsiyalangan tizimlarining joriy etilishi davom etmoqda.
Izoh (0)