Беларусь президенти Александр Лукашенконинг Ўзбекистонга расмий ташрифи доирасида 12 сентябрь куни «Ўзбекгидроэнерго» АЖва «БелАЗ» ОАЖ ўртасида йирик ҳамкорлик меморандуми имзоланди. Бу ҳақда «Ўзбекгидроэнерго» матбуот хизмати «Дарё»га хабар қилди.
Бугунги кунда Беларуснинг «БелАЗ»очиқ акциядорлик жамияти автомобиль заводи қурилиш соҳасида зарур бўлган йирик қурилиш техника воситаларини ишлаб чиқарувчи етакчи автомобиль заводи ҳисобланади. 1948 йилда ўз фаолиятини бошланган автомобиль заводи мана 70 йиллик фаолияти давомида катта ҳажмдаги автосамосваллар ишлаб чиқариш билан шуғулланиб келмоқда. Завод томонидан ишлаб чиқарилгантехникалар ёрдамида қурилиш соҳасининг турли йўналишларида кенг фойдаланиб келинмоқда. Статистик маълумотларга қараганда ҳозирги кунда Ўзбекистонда «БелАЗ» ОАЖнинг 700 дан ортиқ турли русумдаги автосамосвалларидан фойдаланилмоқда.
Дунёга машҳур автомобиль заводи ҳисобланган «БелАЗ» ОАЖ «Ўзбекгидроэнерго» АЖнинг доимий ҳамкори ҳисобланди. Мазкур завод билан ҳамкорлик завод томонидан ишлаб чиқарилган автосамосваллар ёрдамида бугунги кунда жадаллик билан қурилиш ишлари олиб борилаётган мини, кичик, ўрта ва йирик гидроэлектростанцияларини қуриш жараёнида фойдаланиб келинмоқда.
«Ўзбекгидроэнерго» АЖ бошқаруви раиси Абдуғани Сангинов Беларусь мамлакатининг йирик автомобиль заводи «БелАЗ» раҳбари Пархомчик Петр Александрович бошчилигидаги делегация аъзолари билан учрашди. Мазкур учрашув дўстона, самимий руҳда бўлиб ўтди. Мулоқот давомида ўзаро ҳамкорлик алоқаларини мустаҳкамлаш борасида фикр-мулоҳазалар алмашди. Учрашувда жамият томонидан ҳудудларда қурилаётган ГЭСлар учун ҳамда Тошкент вилоятининг Бўстонлиқ туманида қурилаётган йирик «Пском» ГЭСининг қурилиши учун зарур бўлган 42-45 тоннани ташкил этувчи оғир карер самосвали, яъни БелАЗ-7547 русумли автосамосвалларни харид қилиш ва уларни етказиб бериш борасида келишиб олинди.
Учрашув сўнгида «Ўзбекгидроэнерго» АЖ ва «БелАЗ» ўртасида ўзаро ҳамкорлик меморандуми имзоланди.
Изоҳ (0)