Жанубий Кореяда ишлайдиган муҳожирлар орасида ўзбекистонликлар энг интизомли ва давлат қонунларини ҳурмат қилувчилардан ҳисобланади. Бу ҳақда Самарқандга ташрифи давомида Корея Инсон ресурсларини ривожлантириш хизмати бош директори Ким Донг Хо маълум қилди, дея хабар беради Sputnik.
«Уларнинг айниқса, меҳнатсеварлиги, ҳалол ва мардлиги бизни ҳайрон қолдиради. Ҳар қандай касб-ҳунар бўлмасин, жуда тез ўзлаштиришади. Улар орасида юқори малакали мутахассислар жуда кўп. Ўзбекистонда уларга тадбиркорлик қилиб, ўрганиб келган ҳунарини амалда қўллаш имкониятлари яратилганлиги қувонарли», — таъкидлади Ким Донг Хо.
Маълумот учун, икки давлат ўртасидаги меморандумга мувофиқ бугунги кунга қадар қарийб 50 мингга яқин ўзбекистонлик Жанубий Кореяда меҳнат фаолиятини амалга оширган.
Изоҳ (0)