Андижон вилоятида 8 сентябрь куни ЙҲХБ ҳодимига пул таклиф килган фуқаро ушланди, деб хабар беради вилоят ИИБ матбуот хизмати.
Ўша куни Андижон вилояти ИИБ тезкор ходимлари ва ЙҲХБ масъул ходимлари томонидан тезкор тадбирлар ўтказилди.
«Андижон вилояти Шаҳрихон туманида яшовчи фуқаро И.Ж. Андижон вилояти ИИБ ЙҲХБга келиб Андижон шаҳарда яшовчи фуқаро А.Ш.нинг номида бўлган Nexia русумли автомашинасини олди-сотди шартномасини акаси фуқаро И.Ж.га тузиши учун бир ўзи келиб агрегат рақамлари мослигини текширганлиги ҳақидаги муҳрни автотранспорт воситасини техник гувоҳномасига босиб беришини сўраб, акаси И.Ж. ҳамда автомашинанинг эгаси А.Ш.лар келмаслиги юзасидан мурожаат қилиб келган. Ушбу фуқарога вилояти ИИБ ЙҲХБ ходими А.Ж. бир неча бор тушунтиришига қарамасдан, унинг қонуний олиб бораётган хизмат вазифасига тўсқинлик қилиб, шу куни соат 16:30 ларда ушбу агрегат муҳрни акаси ва автомашина эгасининг иштирокисиз бир ўзига босиб бериши, эвазига моддий манфаатдорлик таклиф қилиб ёнида бўлган пуллари орасидан 1 дона 50 000 сўм пулни, вилоят ИИБ ЙҲХБ ходими А.Ж.нинг қаршилигига қарамасдан автотранспорт техник гувоҳномаси орасига пулни солиб бераётган вақтида вилоят ИИБ тезкор, масъул ходимлари томонидан холислар иштирокида қўлга олинди», — дейилади хабарда.
Мазкур ҳолат бўйича тўпланган ҳужжатлар Андижон шаҳар прокуратурасига юборилди.
Изоҳ (0)