13—14 сентябрь кунлари Самарқанд шаҳрида «Ҳиндистон – Марказий Осиё» мулоқотининг 5-мажлиси бўлиб ўтади. Бу ҳақда ТИВ матбуот хизмати хабар бермоқда.
Тадбир Халқаро муносабатлар ахборот-таҳлилий маркази томонидан Халқаро ишлар бўйича Ҳиндистон кенгаши билан ҳамкорликда ташкиллаштирилмоқда.
Ҳиндистоннинг нуфузли «ақл марказлари»дан ташкил топган делегацияга Ҳиндистон Ташқи ишлар вазири Мобашар Жавад Акбар бошчилик қилади. Тадбирда Марказий Осиё давлатларининг етакчи олим ва экспертлари ҳам иштирок этади.
Бўлажак форум чоғида Марказий Осиёда минтақавий ҳамкорликнинг жорий динамикаси, барқарор тараққиётга қарши қаратилган хавф ва таҳдидлар билан биргаликда курашиш, шунингдек Марказий Осиё давлатларининг Ҳиндистон билан сиёсат, иқтисод, хавфсизлик ва маданият соҳаларидаги ҳамкорлигини чуқурлаштириш борасидаги долзарб таклиф ва тавсияларини ишлаб чиқиш масалаларини муҳокама қилиш режалаштирилмоқда.
Изоҳ (0)