Тошкентда Беларусь маҳсулотлари кўргазмаси ўтказилади

Тошкентда 14—19 сентябрь кунлари Беларусь ишлаб чиқарувчи корхоналарининг Made in Belarus кўргазмаси ўтказилади. Бу ҳақда Sputnik хабар бермоқда.

Ушбу кўргазма Беларусь савдо-саноат палатаси Ўзбекистон ташқи савдо вазирлиги, икки давлат органлари, элчихоналари ва бизнес-уюшмалари кўмагида ташкил қилинади.

Кўргазмада Беларусь республикасининг 152 та корхонаси қатнашиши кутилмоқда. Улардан энг асосийлари: «BЕLAZ», «MTZ», «Belshina», «Беларусская лесная компания», «Березастройматериали», «Adani», «BelOMO», «Konte SPA», «Kommunarka», «Бабушкина кринка», «Belriba».

Кўргазма машинасозлик, кимё ва нефть кимё маҳсулотлари, қурилиш ва дарахтни қайта ишлаш, илм-фан ва технологиялар, енгил саноат, озиқ-овқат маҳсулотлари, таълим, полиграфия, фармацевтика ва тиббиёт, туризм йўналишларда бўлиб ўтади.

«Минс трактор заводи» томонидан «БЕЛАРУСЬ - 82.1», «БЕЛАРУСЬ - 80Х» и «БЕЛАРУСЬ -1025.2» замонавий тракторлари намойиш қилинади. Шунингдек, «Гомселмаш», «Блюминг», «Амкодор» компаниялари қишлоқ хўжалик техникаси кўрсатилади.

«Минск автомобиль заводи» юклаш-тушуриш ва қурилиш ишлари учун автокран, самосвал автопоез ва йўловчи МАЗ-206 автобусини намойиш қилади.

«Белкоммунмаш» корхонаси томонидан эса ўзида троллейбус ва автобус афзалликларини мужассам этувчи электробус Е433 «Vitovt Max Electro» кўрсатилади.

Павильон ичидаги экспозициядан ташқари кўча майдонида «Амкодор», «МАЗ», «МТЗ», «Гомселмаш», «Бобруйскагромаш», В.И. Козлов номидаги «Минск электротехника заводи» ва «Блюминг» корхоналарининг 48 дона техника ҳавола этилади.

Шу билан бирга, Беларусь техникаси имкониятларини батафсил намойиш қилиш учун авто-шоу ҳам кўрсатилади.

«Могилевлифтмаш» компанияси томонидан юк кўтариш қуввати 400 тонна бўлган лифтларни ва лифтларни бошқарув станциялари микропроцессорлари кўрсатилади.

Бундан ташқари, беларуслик компаниялар уй ва офис учун замонавий маиший техника тақдим этилади. Хусусан, «Атлант» заводи кир ювиш машиналари ва музлатгичлар намойиш қилинади. «Горизонт» заводи ўзининг 43—45 дюймли LCD-телевизорларни ҳамда таълим ва бизнес интерактив сенсор тизимлари ҳавола этилади.