Япониянинг Хоккайдо оролида юз берган кучли зилзила оқибатида ҳалок бўлганлар сони 16 кишига етди, 26 киши эса бедарак йўқолган. Бу ҳақда «РИА Новости» хабар бермоқда.
6 сентябрга ўтар кечаси Хоккайдонинг Ибура туманида 6,7 магнитудали зилзила содир бўлди. Зилзила ўчоғи 37 км чуқурликда жойлашган.
Ер силкиниши кучи 7 балл (япон шкаласи бўйича максимал кўрсаткич)ни ташкил қилган Ацума қишлоғи яқинида зилзила чоғида кўплаб ер ўпирилишлари кузатилди.
Шунингдек, оролнинг катта қисми электр энергиясисиз қолди. 2,95 миллионта уйда чироқ ўчди. 7 сентябрь куни эрталабгача 964 та уйда электр таъминоти қайта тикланди. Электр токи таъминотини тўлиқ қайта тиклаш бир ҳафтага яқин вақт олиши мумкин.
Титосэ янги аэропорти зарар кўргани учун ёпилди. Бу ерда 7 сентябрга белгиланган барча рейслар бекор қилинди.
Изоҳ (0)