Ўзбекистон ёшлар иттифоқи ҳамда MY5 телеканали томонидан ўтказилаётган «Вундеркинд шоу» телекўрсатуви ўз билимига ишонган мактаб ва коллеж битирувчиларини рингга чорлайди.
Телекўрсатув Ўзбекистоннинг билимли, китобсевар ёшларига ўз истеъдодларини намойиш этишлари учун зарур шарт-шароитлар яратиш, моддий ва маънавий қўллаб-қувватлаш, рағбатлантириш ва кенг жамоатчиликка таништириш мақсадида ҳар йили анъанавий тарзда танлов шаклида ўтказилади, «Менинг юртим» (MY5) телеканали орқали эфирга узатилади.
Аниқ ва ижтимоий фанлар йўналишидан бирини танлаб, 50 миллион сўм пул мукофотини қўлга киритиш мумкин.
Бунинг учун 3 босқичли танловдан ўтиш керак.
1-босқичда «Вундеркинд шоу»да қатнашиш учун иштирокчилар кастинг асосида 2 та йўналиш — аниқ ва ижтимоий фанлар бўйича тест асосида танлаб олинади.
2-босқичда кастингда ғолиб бўлган иштирокчилар 4 та шарт асосида ўзаро беллашадир ва кўрсатувнинг ҳар бир сонида бир нафардан ғолиб иштирокчи финал босқичига йўл олади.
Ниҳоят, финал босқичида ҳар икки йўналиш бўйича жами 6 нафардан 12 иштирокчи асосий ғолиблик учун кураш олиб боради. Финал босқичида ҳар икки йўналиш бўйича 1-ўринни олган иштирокчиларга 50 миллион сўмдан пул мукофоти ва сертификат берилади. 2- ва 3-ўрин ғолибларига қимматбаҳо совғалар ва сертификат берилади.
Изоҳ (0)