«Ўзбекконцерт» ўн бир нафар хонанданинг клипларига баъзи кадрлардан воз кечиш ва тўғрилаш шарти билан эфирга узатилишига рухсат берди

«Ўзбекконцерт» давлат муассасаси қошидаги қўшиқлар ва уларга ишланган видео клиплар савиясини баҳолаш бадиий кенгашининг навбатдаги йиғилиши бўлиб ўтди. Кенгашда 18 нафар хонанда томонидан тақдим этилган видеоклиплар кўриб чиқилди.

Бу ҳақда «Ўзбекконцерт» давлат муассасаси матбуот хизмати маълум қилмоқда.

Бадиий кенгаш Ўзбекистонда хизмат кўрсатган артист Милена Халилова ижро этган «Оққушлар», «Ниҳол» мукофоти совриндори Аҳмедова Шаҳризода (Каниза) ижро этган «Ўзбекистон», хонанда Отабек Муҳаммадзоҳид ижро этган «Сенсиз», хонанда Муниса Ризаева ижро этган «Айбим севганим», хонанда Алижон Исоқов ижро этган «Тошкент кўчаси», хонанда Шаҳрибону Ахтамова ижро этган «Бахтим», хонанда Жавлон Олимов ижро этган «Алдадими?», Пойтахт гуруҳининг «Нола», хонанда Санжар Усмонов ижро этган «Моҳинурим», хонанда Зафар Қурбонбоев ижро этган «Санамжон», «Гал-гал» ҳамда хонанда Бехруз Тохиров ижро этган «Эй ёр» қўшиқларига тасвирга олинган видео клипларга кенгаш аъзолари томонидан билдирилган баъзи жузъий камчиликларни бартараф этиш хонандаларнинг ўзларига ва клипмейкерларига тушунтирилиб, баъзи кадрлардан воз кечиш, тўғрилаш шарти билан истисно тариқасида рухсат берилди.