Ситора Фармонованинг жамоаси «КВН ёзги кубоги» ғолиби бўлди

Бишкекнинг «Азия Мix» жамоаси Сочида бўлиб ўтган «КВН ёзги кубоги —2018» ғолиби бўлди. Бу ҳақда жамоанинг ўзбекистонлик иштирокчиси Ситора Фармонова Instagramʼдаги саҳифасида маълум қилди.

«Ура, биз ютдик! КВНга, Александр Василевич Масляковга ўйин, самимият, меҳрибонлик, қувонч кўз ёшлари, ғалаба ва КВНнинг ажойиб катта оиласи учун раҳмат», — дея ёзув қолдирган актриса ва бошловчи.

Мазкур кубокда Марказий Осиёнинг икки жамоаси — 2016 йилда КВН Олий лигаси ғолиби бўлган «Азия Мix» ва ўтган мавсум чемпионлари — Остонанинг «Спарта» жамоаси беллашди.