Ўзбекистонда олий таълим муассасалари, олий ўқув юртидан кейинги таълим, кадрларни қайта тайёрлаш ва уларнинг малакасини ошириш муассасаларига, уларнинг мулкчилик шакли ва бўйсунувидан қатъи назар, масофавий ўқитишни амалга ошириш ҳуқуқи берилади. Бу Президентнинг «Корпоратив, лойиҳа бошқаруви ва давлат харидлари соҳасида кадрларни тайёрлаш, қайта тайёрлаш ва уларнинг малакасини ошириш тизимини такомиллаштириш бўйича қўшимча чора-тадбирлар тўғрисида»ги қарорида кўзда тутилган.
Шу муносабат билан Президент ҳузуридаги Лойиҳа бошқаруви миллий агентлигига Олий ва ўрта махсус таълим вазирлиги билан биргаликда мазкур муассасаларда масофавий ўқитишни амалга ошириш тартиби тўғрисидаги низомни ишлаб чиқиш ва тасдиқлаш топширилди.
Бунинг учун агентликка 2018 йил 1 октябрга қадар муддат берилган.
Изоҳ (0)