Яқин орада пойтахтга Термиз—Тошкент трассаси орқали кириб келадиган меҳмонларни янги арт-объектлар қарши олади. Бу ҳақда шаҳар ИИББ матбуот хизмати маълум қилди.
Биринчи галда ўтган асрнинг 60 йилларида қўйилган «Тошкент» ёзувининг ўзи таъмирланади. Унинг қаршисидаги мозаика билан безатилган стелла ҳам таъмирга, атрофдаги ҳудуд эса ободонлаштиришга муҳтож ҳолатга келган.
ИИББ ва Тошкент шаҳар ҳокимлиги ташаббуси билан тузилган ишчи гуруҳи янги лойиҳани ишлаб чиқди. Лойиҳага кўра, «Тошкент» ёзуви ва унинг ортидаги пойтахтнинг энг машҳур иншоотлари акс этган металл конструкциялар нурлантирилади.
Стелла таъмирланади, унинг атрофидаги майдон эса тартибга келтирилади. Ҳудуд ободонлаштирилиб, манзарали дарахтлар ва гуллар ўтқазилади.
Изоҳ (0)