Американинг Ўзбекистондаги элчихонаси АҚШ Давлат котиби Майк Помпеонинг Ўзбекистон Мустақиллик куни муносабати билан эълон қилган баёнотини келтириб ўтди.
«Президент Трамп ва Америка халқи номидан 1 сентябрь куни мустақилликнинг 27 йиллигини нишонлаётган Ўзбекистон халқини самимий муборакбод этаман.
Ўтган 27 йилдан буён Қўшма Штатлар ва Ўзбекистон Марказий Осиёдаги минтақавий барқарорликни қўллаб-қувватлашда ўзаро ҳамкорлик қилиб келмоқда. Бу йил мен Президент Шавкат Мирзиёев билан АҚШ ва Ўзбекистон ўртасидаги стратегик ҳамкорликнинг янги даврини шакллантириш учун Вашингтонга қилган тарихий ташрифи давомида танишдим. Ўзбекистон ҳукумати Халқаро таълим бўйича Америка кенгашларини – 15 йилдан ортиқ вақт ичида Ўзбекистонда фаолият юритишга гувоҳнома олган биринчи Америка нодавлат ташкилотини – рўйхатдан ўтказар экан, биз халқларимиз ўртасидаги алоқалар ўсиб бораётганига гувоҳ бўлдик.
Қўшма Штатлар Ўзбекистон мустақиллиги, суверенитети ва ҳудудий яхлитлигини қўллаб-қувватлашга содиқ қолади. Биз келгусида ҳам Ўзбекистоннинг барқарорлиги, фаровонлиги ва минтақавий ҳамкорлигини қўллаб-қувватлашда халқларимиз ўртасидаги муносабатлар ва мустаҳкам ҳамкорлик алоқаларини давом эттиришга умид билдирамиз».
Изоҳ (0)