Ўзбекистон 2025 йилга келиб пахта толаси экспортидан воз кечиш ва ички бозорда тўлиқ қайта ишланишини таъминлашни режалаштирмоқда. Бу ҳақда «Ўзтўқимачиликсаноат» уюшмаси стратегик прогнозлаш департаменти бошлиғи Дилбар Муҳаммедова маълум қилди, дея хабар беради Sputnik.
—Олдимизга 2025 йилга келиб пахта толаси экспортини тўлиқ тўхтатиб, мамлакат ичида қайта ишлаш вазифаси қўйилган. Бу пайтга келиб экспорт ҳажми 4,7 баробар ортиб, 7,1 миллиард долларгача етиши кутилмоқда. Жорий йилда эса тармоқ корхоналари 520 минг тонна пахта толасини қайта ишлаши мумкин, — дейди Д.Муҳаммедова.
Маълумот учун, Ўзбекистонда ҳар йили 3,5 миллион тонна пахта хом ашёси ва 1-1,2 миллион тонна пахта толаси ишлаб чиқарилади. Толанинг 50 фоизга яқини экспортга юборилади.
Изоҳ (0)