Ўзбекистонда энг юқори иш ҳақига эга бўлган ТОП 5 соҳа номлари эълон қилинди

Июль ойида гўзаллик салонлари учун усталар фаол қидирилди, энг юқори иш ҳақи эса Наманган ва Самарқандда таклиф этилади. Бошқа соҳаларда ўртача қанча иш ҳақи тўланади ва қайси соҳаларда ўзбекистонликлар яхши пул топиши мумкин – бу саволларга OLX таҳлилчилари жавоб беради.

Экспертлар «OLX Ish» саҳифасида иш изловчилар учун таклифларни таҳлил қилиб, Ўзбекистонда кимларнинг меҳнати учун энг кўп иш ҳақи тўланишини аниқладилар. Июль ойи учун энг юқори иш ҳақи оладиганлар ўртасида ТОП 5 та соҳага кўчмас мулк агентлари, маркетинг, реклама ва дизайн соҳаси вакиллари, шунингдек, қурувчилар кирди. Рейтинг юқорисини ойлик иш ҳақи ўртача 2,1 миллион сўм деб баҳоланган риелторлар эгаллади. Бу эса 2018 йилнинг биринчи ярмида Давлат статистика қўмитасининг маълумотларига кўра Ўзбекистонда ўртача иш ҳақи —1,6 миллион сўмдан юқоридир.

Энг юқори иш ҳақи тўланадиган ТОП 5 соҳа ва ўртача иш ҳақи:

1. Кўчмас мулк - 2 121 700 сўм;
2. Маркетинг / реклама / дизайн - 1 815 400 сўм;
3. Қурилиш - 1 732 900 сўм;
4. Транспорт / логистика - 1 635 000 сўм;
5. Гўзаллик / фитнес / спорт - 1 600 800 сўм.

«OLX Ish» саҳифаси таҳлилчилари шунингдек Ўзбекистон ҳудудлари бўйича ҳам маълумотларни ўрганишди. Энг юқори иш ҳақи Наманган вилоятида бўлиб, унинг миқдори 1,5 миллион сўмдан ортиқроқдир. Энг кам иш ҳақи Қорақалпоғистонда ва Фарғона вилоятида бўлиб, унинг миқдори 975 минг сўм атрофидадир.

Ўртача иш ҳақи бўйича ТОП 5 та вилоят:

1. Наманган вилояти - 1 530 900 сўм;
2. Самарқанд вилояти - 1 524 600 сўм;
3. Тошкент вилояти - 1 507 700 сўм;
4. Сурхондарё вилояти - 1 416 400 сўм;
5. Хоразм вилояти - 1 345 200 сўм.