«Челси» ҳимоячиси Гари Кэйхилл ҳамда «Лестер» клуби ҳужумчиси Жейми Варди Англия терма жамоасидан кетганини маълум қилди.
Иккала футболчи ҳам ўз қарорларини жамоа бош мураббийи Гарет Саутгейтга етказган. Варди ва Кэйхилл жамоадан кетишини, ёшларга имконият бериш вақти етгани билан изоҳлаган.
Аммо иккала футболчи агарда миллий терма жамоа қандайдир муаммоларга дуч келса, ҳар қандай ҳолатда унга қайтиб ёрдам беришга тайёр эканлигини маълум қилган.
Маълумот учун, Кэйхил терма жамоа сафида 2010 йилда биринчи учрашувини ўтказган. У шу вақтга қадар 61 та ўйинда қатнашиб, 5 та гол уришга эришган.
Варди эса 2015 йилда Ирландияга қарши баҳсда дебют қилган. Жейми 26 ўйинда иштирок этиб, 7 та гол уришнинг уддасидан чиққан.
Изоҳ (0)