Бугун, 27 август санасида Индонезиянинг Жакарта ҳамда Палембанг шаҳарларида XVIII ёзги Осиё ўйинлари давом этмоқда.
Равшан Ҳайдаров бошчилигидаги футбол бўйича Ўзбекистон олимпия терма жамоаси Осиё ўйинларининг ярим финалига чиқиш учун Жанубий Корея терма жамоасига қарши кураш олиб бориб, 3:4 ҳисобида мағлубиятга учради.
Учрашувда ҳисоб 5-дақиқада Хванг Уи Жо ҳисобни очди. 17-дақиқада Жалолиддин Машарипов ҳисобни тенглаштирди. 35-дақиқада Хванг дублга эришди. Иккинчи бўлимнинг 53-дақиқасида Икром Алибоев мувозанатни тиклади. Уч дақиқа ўтиб, Икром ҳам дублга эришди. 75-дақиқада эса яна ўша Хванг Уи Жо гол уриб, хет-трик қайд этди. Ўйиннинг асосий вақти 3:3 ҳисобида якунланди.
Қўшимча бўлимнинг 100-дақиқасида Икром Алибоев майдондан четлатилди. 118-дақиқада эса ҳакам Ботирали Эргашев дарвозасига пенальти белгилади. Уни Хванг Хи Чан аниқ амалга ошириб, ўйинга якуний нуқтани қўйди.
Осиё ўйинлари—2018
Футбол, ¼ финал
27 август, душанба
Ўзбекистон — Жанубий Корея 3:4
Голлар: 1:0—5 Хванг Уи Жо, 1:1—17 Жалолиддин Машарипов, 1:2—35 Хванг Уи Жо, 2:2—53 Икром Алибоев, 3:2—56 Икром Алибоев. 3:3—75 Хванг Уи Жо. 3:4—118, пенальти Хванг Хи Чан.Ўзбекистон: 1. Ботирали Эргашев, 2. Рустамжон Ашурматов, 4. Акрамжон Комилов, 5.Аббос Отахонов, 6. Жалолиддин Машарипов (Андрей Сидоров, 120), 7. Одилжон Ҳамробеков, 9. Забиҳилло Ўринбоев (16.Дониёр Нарзуллаев, 113), 10. Жавоҳир Сиддиқов (18.Хуршид Ғиёсов, 85), 14. Икромжон Алибоев, 17.Достонбек Ҳамдамов (11.Бобир Абдиҳолиқов, 68), 20. Достонбек Турсунов.
Жанубий Корея: 1.Сонг Бум Кун, 2.Хванг Хюн Су, 3.Ким Мин Жаэ, 4.Ким Жин Я, 6.Ким Мун Хван, 7.Сон Хон Мин, 10.Хванг Ин Бом, 11.На Санг Хо (9.Хванг Хи Чан, 46), 14.Жанг Юн Хо (8.Ли Жин Ху, 22), 15.Ли Сонг Му (17.Ли Сонг Ву, 61), 16.Хванг Уи Жо.
Огоҳлантиришлар: Достонбек Ҳамдамов 42, Рустам Ашурматов 65, Икром Алибоев 84, Ким Мин Жаэ 105, Хванг Хи Чан 118.
Четлатиш: Икром Алибоев 100, Жалолиддин Машарипов (ўйиндан сўнг).
Изоҳ (0)