Bugun, 27-avgust sanasida Indoneziyaning Jakarta hamda Palembang shaharlarida XVIII yozgi Osiyo o‘yinlari davom etmoqda.
Ravshan Haydarov boshchiligidagi futbol bo‘yicha O‘zbekiston olimpiya terma jamoasi Osiyo o‘yinlarining yarim finaliga chiqish uchun Janubiy Koreya terma jamoasiga qarshi kurash olib borib, 3:4 hisobida mag‘lubiyatga uchradi.
Uchrashuvda hisob 5-daqiqada Xvang Ui Jo hisobni ochdi. 17-daqiqada Jaloliddin Masharipov hisobni tenglashtirdi. 35-daqiqada Xvang dublga erishdi. Ikkinchi bo‘limning 53-daqiqasida Ikrom Aliboyev muvozanatni tikladi. Uch daqiqa o‘tib, Ikrom ham dublga erishdi. 75-daqiqada esa yana o‘sha Xvang Ui Jo gol urib, xet-trik qayd etdi. O‘yinning asosiy vaqti 3:3 hisobida yakunlandi.
Qo‘shimcha bo‘limning 100-daqiqasida Ikrom Aliboyev maydondan chetlatildi. 118-daqiqada esa hakam Botirali Ergashev darvozasiga penalti belgiladi. Uni Xvang Xi Chan aniq amalga oshirib, o‘yinga yakuniy nuqtani qo‘ydi.
Osiyo o‘yinlari—2018
Futbol, ¼ final
27-avgust, dushanba
Oʻzbekiston — Janubiy Koreya 3:4
Gollar: 1:0—5 Xvang Ui Jo, 1:1—17 Jaloliddin Masharipov, 1:2—35 Xvang Ui Jo, 2:2—53 Ikrom Aliboyev, 3:2—56 Ikrom Aliboyev. 3:3—75 Xvang Ui Jo. 3:4—118, penalti Xvang Xi Chan.Oʻzbekiston: 1. Botirali Ergashev, 2. Rustamjon Ashurmatov, 4. Akramjon Komilov, 5.Abbos Otaxonov, 6. Jaloliddin Masharipov (Andrey Sidorov, 120), 7. Odiljon Hamrobekov, 9. Zabihillo Oʻrinboyev (16.Doniyor Narzullayev, 113), 10. Javohir Siddiqov (18.Xurshid Gʻiyosov, 85), 14. Ikromjon Aliboyev, 17.Dostonbek Hamdamov (11.Bobir Abdiholiqov, 68), 20. Dostonbek Tursunov.
Janubiy Koreya: 1.Song Bum Kun, 2.Xvang Xyun Su, 3.Kim Min Jae, 4.Kim Jin Ya, 6.Kim Mun Xvan, 7.Son Xon Min, 10.Xvang In Bom, 11.Na Sang Xo (9.Xvang Xi Chan, 46), 14.Jang Yun Xo (8.Li Jin Xu, 22), 15.Li Song Mu (17.Li Song Vu, 61), 16.Xvang Ui Jo.
Ogohlantirishlar: Dostonbek Hamdamov 42, Rustam Ashurmatov 65, Ikrom Aliboyev 84, Kim Min Jae 105, Xvang Xi Chan 118.
Chetlatish: Ikrom Aliboyev 100, Jaloliddin Masharipov (oʻyindan soʻng).
Izoh (0)