Бугун, 27 август санасида Индонезияда давом этаётган Осиё ўйинларининг бокс бўйича мусобақаларида яна бир ўзбекистонлик боксчи кейинги босқич йўлланмасини қўлга киритди.
-75 кг вазнда рингга чиққан Исроил Мадримов мўғулистонлик Давасурен Даванямни яққол устунлик билан (5:0) мағлуб этиб, чорак финалга йўл олди. Унинг навбатдаги рақиби эронлик Саидшаҳин Мусавий бўлади.
Эслатиб ўтамиз, бугун, шунингдек, -49 кг вазн тоифасида Ҳасанбой Дўсматов, -56 кг вазнда Миразиз Мирзаҳалилов ва -64 кг вазн тоифасида Иқболжон Холдоровлар ҳам жангларда иштирок этди. Уларнинг барчаси рақибларидан устун келиб, чорак финалга чиқди.
Изоҳ (0)