Ер сайёраси магнит қутбларининг алмашиб кетиши уни Қуёш шамолларининг зарядланган қисмларидан ва космик радиациянинг бошқа шаклларидан ҳимоясини деярли тўлиқ йўқ қилади. Бу эса ҳайвонлар эволуциясини тезлаштиради ва одамлар ҳаётига салбий таъсир кўрсатади. Бу ҳақда геологларнинг PNAS журналида эълон қилинган прогнозларига таяниб, «РИА Новости» хабар берди.
Австралия Миллий университети олими Эндрю Роберцнинг таъкидлашича, Ернинг магнит майдони сайёрани 3,5 миллиард йилдан буён Қуёш нурланишининг тўғри таъсиридан ҳимоя қилмоқда. Бошқа томондан, Қуёшнинг кучли чақинлари даврий равишда ана шу майдонга урилиб, электрон воситалар учун бир қатор муаммоларни юзага келтиради. Қутбларнинг алмашиб кетиши эса бунданда жиддийроқ муаммоларни келтириб чиқаради.
Қутбларнинг жойлашиши ва компас стрелкасининиг кўрсаткичи сайёранинг доимий хусусияти ҳисобланмайди. Даврий равишда, тахминан 450 минг ёки миллион йилда бир марта сайёранинг Шимолий ва Жанубий қутблари жойини ўзгартиради. Олимлар бунинг изларини қадимий лой ва вулқон жисмларида аниқлаган.
Изоҳ (0)