Австралиянинг Мельбурн шаҳрида яшовчи 16 ёшли мактаб ўқувчиси Apple компаниясининг серверларини бузиб кирди. Бунда у фойдаланувчиларнинг аккаунтларига киришга муваффақ бўлган. Бу ҳақда «РИА Новости» хабар берди.
Исми маълум қилинмаётган ўсмир ҳимояланган серверлардан 90 гигабайтли файлларни ҳам юклаб олган. Хакер ўтган йили қўлга олинган, Австралия полицияси унинг уйида тинтув ўтказиб, мобил телефон, қаттиқ диск ва иккита Apple ноутбукини олган. Ўсмир мазкур қурилмалар ёрдамида бузишни амалга оширган.
Бузғунчини дарҳол аниқлашнинг иложи бўлмаган. Apple вакиллари ФҚБга мурожаат қилган. Америкалик ҳуқуқни муҳофаза қилувчилар эса ўз навбатида австралиялик ҳамкасбларидан ёрдам сўраган.
Судда ўсмир ўз айбини тўлиқ тан олган ва доимо Apple’да ишлашни орзу қилганини айтган. Ишдаги мураккабликлар сабабли суд қарорини қабул қилиш кейинги ойга қолдирилган.
Изоҳ (0)