Урганч шаҳридаги темир йўл вокзалида воҳага ташриф буюрувчи сайёҳларга ўзлари учун зарур бўлган маълумотларга эга бўлишлари учун маълумот марказлари ташкил қилинди. Бу ҳақда Хоразм вилояти Туризмни ривожлантириш департаменти матбуот хизмати «Дарё»га маълум қилди.
Бу Ўзбекистон Республикаси Президентининг 2017 йил 4 майдаги «2017—2021 йилларда Хоразм вилояти ва Хива шаҳрининг туризм салоҳиятини комплекс ривожлантириш Дастури тўғрисида»ги қарори ижросини таъминлаш ҳамда Ўзбекистонга ташриф буюрувчи сайёҳларга янада қулайликлар яратиш мақсадида Хоразм вилояти Туризмни ривожлантириш департаменти томонидан амалга оширилди.
Эндиликда маълумот марказлари орқали меҳмонлар авиачипталар, темир йўл чипталари нархлари ва уларни банд қилиш, меҳмонхоналар ҳақида тўлиқ маълумот олиш ва банд қилиш, ресторан, кафе, барлар ва уларда ташкиллаштирилган хизмат турлари, Хива ва Урганч шаҳарларининг туристик хариталари, такси чақириш хизматлари, ижарага машина олиш, гид хизматларидан фойдаланиш ва вилоятда ўтказиладиган маданий кўнгилочар тадбирлар ҳақида тўлиқ маълумотларга эга бўлиши мумкин.
Изоҳ (0)