Индонезияда бошланаётган Осиё ўйинлари—2018 нинг расмий очилиш маросимига 2 кун қолганда Ўзбекистон делегацияси аъзолари навбатдаги расмий тадбирда қатнашди.
Бугун, 16 август санасида қатнашчи мамлакатларнинг байроқларини кўтариш маросими бўлиб ўтди.
Тадбирда Миллий олимпия қўмитаси бош котиби Жасур Матчанов бошчилигидаги делагация вакиллари, мураббийлар ва спортчилар иштирок этди. Мадҳия садолари остида давлат байроғи кўтарилди.
Энди Жакартадаги Олимпия шаҳарчасида Ўзбекистон Республикасининг давлат байроғи ҳам ҳилпираб турибди. Маросим давомида, шунингдек, Филиппин, Ливан, Покистон ва Бутан байроқлари ҳам кўтарилди.
Тадбир якунида Олимпия шаҳарчаси мэри Юни Каркита делегациялар раҳбарларига эсдалик совғаларини топширди.
Изоҳ (0)