Бугун, Индонезиядаги Осиё ўйинларининг футбол бўйича гуруҳ босқичининг иккинчи тур учрашувлари давом эттирилиши ҳақида аввалроқ хабар берилганди.
Илк турда Бангладешни 3:0 ҳисобида таслим этган, Равшан Ҳайдаров бошчилигидаги Ўзбекистон олимпия терма жамоаси бугун, ўтган турда Таиланд билан дуранг қайд этган Қатар терма жамоасига қарши майдонга тушади. Жамоаларнинг асосий таркиби эълон қилинди.
Учрашув Тошкент вақти билан 17:00 да бошланиши белгиланган. Ўйинни Sport-TV намойиш этади. Бу ҳақда канал директори Зоҳид Каримов маълум қилди. Канал маъмурияти Осиё ойинларининг бошқа спорт турлари қаторида футбол баҳсларини ҳам трансляция қилиш борасида келишувга эришган.
Маълумот учун бироз олдин якунланган гуруҳнинг иккинчи ўйинида Бангладеш ҳамда Таиланд терма жамоалари 1:1 ҳисобидаги дуранг натижаси қайд этди.
Осиё ўйинлари
Футбол. «B» гуруҳи
16 август, пайшанба
Қатар—Ўзбекистон 17:00
Қатар: 21.Марван Бадрелдин, 2.Тариқ Салмон, 4.Омар Алемади, 5.Тамим ал-Муҳаза, 6.Аҳмад Ҳесаба, 9.Мешал ал-Шамари, 11.Носир ал-Наср, 12.Жасим Умар, 13.Мешал Фараж, 14.Аҳмад ал-Саади, 15.Одил ал-АҳмадЎзбекистон: 1.Ботирали Эргашев, 5.Аббос Отахонов, 20.Достон Турсунов, 2.Рустам Ашурматов, 4.Акром Комилов, 14.Икром Алибоев, 7.Одил Ҳамробеков, 17.Достон Ҳамдамов, 10.Жавоҳир Сидиқов, 6.Жалолиддин Машарипов, 9.Забиҳулло Ўринбоев
Изоҳ (0)