Қишлоқ хўжалигига инновацияни жорий этиш учун Қишлоқ хўжалиги вазирлиги қошида Агроинновация маркази ташкил этилган. Бу ҳақда вазирлик матбуот хизмати «Дарё»га хабар берди.
Ушбу марказни самарали фаолият юритишида USAID, KOICA ва Корея қишлоқ жамияти корпорациялари муҳим рол ўйнайди.
Агроинновацион маркази боғдорчилик, полиз-сабзавотичилик мутахассислари учун ишлаб чиқариш, сақлаш ва қайта ишлаш бўйича инновацион ёндашувларни ўргатадиган тадқиқот ва таълим марказидир.
KOICA ташкилоти барча электроэнергия эҳтиёжларини қопловчи 16 кВ ли қуёш панел тизимини ўз ичига олувчи 0.5 гектарли замонавий иссиқхона қурилишида кўмаклашган.
Куни кеча Қишлоқ хўжалиги вазирлиги ва USAID ўртасидаги ҳамкорликда амалга оширилаётган лойиҳа доирасида барпо этилган 0,5 гектарли намунали олма боғининг очилиш маросими бўлиб ўтди. Унда АҚШнинг Ўзбекистондаги муваққат ишончли вакили Лесли Вигери ва Қишлоқ хўжалиги вазирлиги бошқарма бошлиғи Абдумалик Номозовлар иштирок этишди.
Боғ ўғитни сув орқали юборишни ўз учига олувчи томчилаб суғориш тизими ҳамда дўл ва ортиқча ультрабинафша нурларидан ҳимояловчи тўрлар билан жиҳозланган бўлиб унга бозорда талаб юқори бўлган Goldэн Делиcиоус, Star Cримсон ва «Салтанат» каби ҳосилдор олма кўчатлари экилган.
«Ўзбекистон ўзининг унумдор тупроғи, мўътадил иқлими ва ҳосилдорлиги юқори бўлган мева-сабзавотлари ва ёнғоқлари билан машҳур. Бу эса сифатли боғдорчилик маҳсулотлари бўйича етакчи экспортчига айланиш иконини беради. Биз ташриф буюрган бу каби марказлар юқори сифатли мева ва сабзавотларни етиштиришда мутахассислар учун тажриба мактаби вазифасини ўтайди», — дейди Лесли Вигери.
Изоҳ (0)