ИИВ Ёнғин хавфсизлиги бош бошқармасининг хабарига кўра, 2018 йилнинг 12 август куни Тошкент шаҳар Олмазор тумани «Мискин» маҳалласи Магазин Мавзук кўчаси 99-А уйда яшовчи 1956 йил туғилган С.Бекходжаев уйининг 250 квадрат метр майдонда ҳамда қўшниси 1951 йил туғилган С.Бекходжаев уйининг 50 квадрат метр майдондаги том ва шифт қисмлари ёнган.Бу ҳақда ИИВ жамоатчилик ва оммавий ахборот воситалари билан алоқалар бошқармаси хабар берди.
Ёнғин ҳақида «101»га хабар соат 22:31 да тушган ва ёнғин жойига соат 22:39 да биринчи ёнғин ўчириш бўлинмалари этиб борган. Кўрилган тезкор ҳаракатлар натижасида ёнғин соат 23:15 да ўраб олиниб ўчирилган. Ёнғин сабаби аниқланмоқда. Тан жароҳати олганлар йўқ. Ёнғин юзасидан терговга қадар текширув ишлари олиб борилмоқда.
Изоҳ (0)