Самарқанд вилоятида ёнғин ўчириш амалий спорти бўйича Ўзбекистон Республикаси очиқ чемпионати бўлиб ўтмоқда. Ушбу чемпионатда республикамиз бўйича 17 та жамоа иштирок этмоқда. Бу ҳақида «Дарё» мухбири Фарҳод Норбўтаев хабар бермоқда.
Мусобақанинг тантанали очилиш маросимида Ўзбекистон Республикаси ИИВ Ёнғин хавфсизлиги бош бошқармаси ўринбосари подполковник Р.Жўраев, Самарқанд вилояти ИИБ бошлиғи ўринбосарлари подполковник Р.Ашрапов ва Ф.Ҳасанов, Самарқанд вилоят ИИБ ЁХБ бошлиғи подполковник С.Мирсаидов, ИИВ ўқув маркази бошлиғи полковник К.Эргашевлар иштирок этишди.
Мусобақа 4 тур (шарт) асосида ўтказилмоқда. Биринчи турда иштирокчилар нарвон билан ўқув миноранинг 4-қаватига кўтарилиш (ишғол қилиш), иккинчи турда ёнғин ўчириш эстафетаси, учинчи турда 100 метрга тўсиқлар оша югириш ва тўртинчи турда ёнғин ўчириш автомобилида жанговор ёйилиш (тарқалиш) шартлари асосида ўзаро беллашмоқда.
Республика мусобақасининг дастлабки ўқув минорага норвон орқали чиқиш шартида Андижон вилояти биринчи, Навоий вилояти иккинчи ҳамда Самарқанд вилояти учинчи ўринни эгаллашди.
12 август кунига қадар ўтказилган мусобақа Самарқанд шаҳридаги «Динамо» ўйингоҳида ўтказилган.
Турнирда Лукойл компаниясининг Бухоро-Қандим корхонасининг ёнғин хавфсизлиги бошқармаси жамоаси ҳам иштирок этган.
Изоҳ (0)