Ўзбекистонда бир ҳафтада ЙТҲлар оқибатида 27 киши ҳалок бўлди

Ўзбекистонда ўтган ҳафта давомида (6—12 август) 180 та йўл-транспорт ҳаракати қайд этилди. Бу ҳақда ИИВ ЙҲХББ матбуот хизматига таяниб, ЎзА хабар бермоқда, деб ёзади «Газета.uz».

ЙТҲларида 177 киши тан жароҳатлари олган, 27 киши ҳалок бўлган. Ҳафта давомида йўл-патруль хизмати инспекторлари томонидан жами 84 минг 977 та қоидабузарлик аниқланган, улардан 40,7 мингтасини қўпол қоидабузарликлар ташкил этади.

Қоидабузилишлар статистикаси:

• 14 946 — хавфсизлик камарларини тақмасдан ҳаракатланганлик ҳолатлари;
• 12 402 — ҳайдовчилар томонидан одам ташиш қоидаларини бузиш;
• 11 944 — белгиланган тезлик талабларини бузиш;
• 1 568 — транспорт воситасини маст ҳолда бошқариш;
• 1 161 — светофор ва чорраҳалардан ўтиш қоидасига амал қилмаслик;
• 870 — ҳаракат вақтида телефондан фойдаланганлик;
• 668 — транспорт воситасининг ойналарини меъёридан ортиқча қорайтириш;
• 360 — темир йўл кесишмаларидан ўтишда қоидага риоя қилмаслик.