Суриянинг Ас-Сувайда вилоятида друзлар ва бадавий қабилалари ўртасида бир неча кундан бери қуролли тўқнашувлар давом этмоқда. Ҳодисаларда ҳалок бўлганларнинг сони 37 кишига етган. Бу ҳақда Syrian Observatory for Human Rights хабар берди.
Ҳалок бўлганларнинг 27 нафари друзлар, 10 эса нафари бадавийлар экани очиқланган. Яна 50 га яқин киши жароҳатланган. Қайд этилишича, Дамашқ—Ас-Сувайда йўлидаги полиция блокпости ҳам қуролли ҳужумга учраган, сўнгра йўл ёпиб қўйилган. Sweida 24 нашри ҳар икки томондан 10 киши ҳалок бўлиб, 50 киши яралангани ҳақида маълумот берган.
Сувайда губернатори Мустафо ал-Бакур “ўзини тийиш”га чақирган. Бадавий ва друз фракциялари Сувайдада узоқ вақтдан бери адоватда бўлиб, вақти-вақти билан улар ўртасида тўқнашув содир бўлиб туради.
Изоҳ (0)