Қашқадарё вилоятида 2018 йилнинг январь—июль ойлари давомида юз берган йўл-транспорт ҳодисалари оқибатида 108 киши ҳалок бўлди. Бу ҳақда Қашқадарё вилояти ИИБ Йўл ҳаракати хавфсизлиги бошқармаси бошлиғи Эркин Қурбонов ЎзАга берган интервьюсида маълум қилди.
Вилоят бош йўл назоратчисининг сўзларига кўра, вилоят автомобиль йўлларида содир этилган йўл транспорт ҳодисаларининг сони ўтган йилнинг январь—июль ойларига нисбатан 403 тадан 392 тага (2,7 фоизга), улар оқибатида жароҳатланганлар сони эса 408 тадан 367 тага камайган.
«Афсуски, ЙТҲ оқибатида ҳалок бўлганлар сони ўтган йилги кўрсаткичларга тенглашган, яъни 108 нафарга етган», — дейди Эркин Қурбонов.
Бундан ташқари, болалар билан боғлиқ йўл-транспорт ҳодисаларини сони ўтган йилнинг шу даврига нисбатан 58 тадан 60 тага, улар сабаб жароҳатланган сони 49 нафардан 55 нафарга ошган. Ҳалок бўлганлар сони 13 нафардан 11 нафарга камайган.
Изоҳ (0)