Андижон вилоятида 2018 йилнинг етти ойи (январь—июль ойлари)да аёллар томонидан 286 та жиноят содир этилган. Бу ҳақда Андижон вилояти ҳокимининг ўринбосари, Хотин-қизлар қўмитаси раиси Манзурахон Юнусова ЎзАга берган интервьюсида маълум қилди.
Қайд этилган жиноятларнинг асосий қисмини фирибгарлик, ҳужжатларни қалбакилаштириш, қонунга хилоф равишда чет элга чиқишга уриниш, ўзлаштириш ёки растрата йўли билан давлат мулкини талон-торож қилиш, ўзгалар мулкини ўғирлаш, қасддан тан жароҳати етказиш ташкил этди.
Жалақудуқ туманида эса 1 та қотиллик содир этилди. «Бундан ташқари, эрта туғруқ, оилавий ажримлар ўтган йилнинг шу даврига нисбатан ортган, 52 нафар хотин-қиз ўз жонига қасд ёки суиқасд қилган», — дейди Манзурахон Юнусова.
Вилоят хотин-қизлар қўмитаси раисининг қўшимча қилишича, аҳоли хонадонларини ўрганиш давомида оила-турмуш доирасидаги ҳамда хотин-қизлар томонидан содир этилиши мумкин бўлган 430 та жиноятнинг олди олинган.
Изоҳ (0)