Бугун, 7 август санасида Миллий олимпия қўмитасида 18 августда 2 сентябрга қадар Индонезиянинг Жакарта ҳамда Палембанг шаҳарларида бўлиб ўтадиган ёзги Осиё ўйинларига йўл олаётган Ўзбекистон делегацияси кузатиш маросими бўлиб ўтди.
Унда Ўзбекистон Республикаси Бош вазири ўринбосари Азиз Абдуҳакимов, Миллий олимпия қўмитаси президенти Умид Аҳмаджонов, Жисмоний тарбия ва спорт вазири Дилмурод Набиев, спортчилар ва ОАВ вакиллари иштирок этди.
Азиз Абдуҳакимов маросимда нутқ сўзлаб, спортчиларга омад тилади ва Осиё ўйинларида Ўзбекистон байроқдори бўладиган Исроил Мадримов давлат рамзини топширди.
Маросим сўнгида ўзбекистонлик спортчилар учун янги экипировкалар тақдимоти бўлиб ўтди. Янги экипировкалар Хитойнинг QIERTE Co. Ltd компанияси томонидан Pres-Jog бренди билан тақдим этилган.
Осиё ўйинларида Ўзбекистон шарафини 30 та спорт турида 232 нафар спортчи ҳимоя қилади.
Изоҳ (0)