MMA жангчиси Маҳмуд Муродов Ўзбекистон фуқаролигига эга бўлди. Бу ҳақда унинг ўзи Instagram’даги саҳифаси орқали маълум қилди.
«26 йил давомида шу кун келишига шубҳа қилмаган эдим, ҳеч қачон ўз аждодларимни ва ўзбек ўғлони эканлигимни унутмаганман ва бугун буни тасдиқловчи ҳужжатни қўлимга олдим. Ўз юртимнинг ҳақиқий фуқароси сифатида унинг шаънини жаҳон миқёсида ҳимоя қилишга ва байроғини кўкларга кўтариб, ўзбек спортчиларининг қудратини ҳар бир мамлакатга ёйишга ваъда бераман. Ҳар бир инсон орзу билан яшайди, меники эса бугун ушалди. Яна бир бор раҳмат...»,—деб ёзади Маҳмуд.
Маҳмуд Муродов асли Тожикистонда таваллуд топган бўлиб, икки ёшида ота-онаси билан Ўзбекистонга кўчиб келган. Кўп йиллардан бери жаҳон рингларида Ўзбекистон байроғи остида жанг қилиб келаётган эди.
Изоҳ (0)