Миллий олимпия қўмитасида Ўзбекистон футбол ассоциацияси биринчи вице-президенти Умид Аҳмаджонов миллий терма жамоанинг янги мураббийини қабул қилди.
«Халқимиз жуда ҳам футболсевар. Сизнинг миллий терма жамоани бошқариб боришингиз эълон қилинганидан кейин юртимиздаги футбол мухлислари бу хабарни катта қувонч билан кутиб олди. Асосий мақсадимиз олдимизда турган катта мусобақаларда ижобий натижаларга эришиш, Токио—2020 ҳамда ЖЧ—2022 йўлланмасини қўлга киритиш. Ўзбекистон футбол ассоциацияси бунинг учун сизга барча шароитларни яратиб беради. Мураббийлар ишига кимдир аралашишига йўл қўйилмайди. Барчамиз бир тан-у бир жон бўлиб олдимизга қўйилган мақсадларга эришамиз деган умиддаман», — деди Умид Аҳмаджонов.
Эктор Купер ҳам бу йўлда бор куч-ғайратини аямаслигини билдириб, аэропортдаги кутиб олиш маросимидан ҳайратда эканини маълум қилди.
Учрашув сўнгида Умид Аҳмаджонов Эктор Куперга унинг номи туширилган Ўзбекистон миллий терма жамоасининг рамзий либоси ҳамда эсдалик совғаларини топширди.Маълумот учун бугуннинг ўзида Купер Миллий олимпия қўмитасининг анжуманлар залида соат 15:00 да футбол мухлисларига таништирилади ва у билан матбуот анжумани ташкил этилади. Анжуманда барча турдаги ОАВ иштирок этиши мумкин.
Изоҳ (0)