Энг тез зангловчи тутилган автомобиллар рўйхати тузилди

Novate журнали занглашга энг кўп мойил бўлган олтита автомобиль русумини маълум қилди, деб ёзади «РИА Новости».

Журнал талқинига кўра, энг тез занглайдиган автомобиль «Волга» бўлди. 2000 йиллар бошида талабгир бўлган автомобиль корпуси ёмон сифатли металлдан ясалгани туфайли, бир неча йилдан кейиноқ машина занглашни бошлайди.

Иккинчи ўринда 2007—2014 йилларда чиқарилган Ford Mondeo жойлашди. Бу автомобилнинг кузови тез деградация бўлади, айниқса, совуқ давр узоқ давом этадиган ва йўлларга туз сепиладиган ҳудудларда бу жараён тез бўлади.

Учинчи ўринни 1998—2004 йилларда чиқарилган Opel Astra эгаллади. Унинг кузови паст сифатли бўлиб, машинага яхши эътибор берилмаса, у бир неча йил ичида занглаб кетади.

Коррозияга қарши қопламаси яхши бўлмагани сабабли, кузови жуда қисқа вақтда занг билан қопланадиган УАЗ Patriot — тўртинчи ўринда.

1995—2006 йилларда чиқарилган Nissan Almera бешинчи ўринни банд этди. Автомобилнинг эшиклари, капоти ва юкхонаси қопқоқларида тез занг пайдо бўлади.

Охирги ўринда 2002—2012 йилларда чиқарилган Mazda 6 жойлашди. Зангдан яхши ҳимояланмаган автомобиль кузови, эътиборсизлик қилинса, бир-икки йилда чириб кетади.