Novate jurnali zanglashga eng ko‘p moyil bo‘lgan oltita avtomobil rusumini ma’lum qildi, deb yozadi “RIA Novosti”.
Jurnal talqiniga ko‘ra, eng tez zanglaydigan avtomobil “Volga” bo‘ldi. 2000-yillar boshida talabgir bo‘lgan avtomobil korpusi yomon sifatli metalldan yasalgani tufayli, bir necha yildan keyinoq mashina zanglashni boshlaydi.
Ikkinchi o‘rinda 2007—2014-yillarda chiqarilgan Ford Mondeo joylashdi. Bu avtomobilning kuzovi tez degradatsiya bo‘ladi, ayniqsa, sovuq davr uzoq davom etadigan va yo‘llarga tuz sepiladigan hududlarda bu jarayon tez bo‘ladi.
Uchinchi o‘rinni 1998—2004-yillarda chiqarilgan Opel Astra egalladi. Uning kuzovi past sifatli bo‘lib, mashinaga yaxshi e’tibor berilmasa, u bir necha yil ichida zanglab ketadi.
Korroziyaga qarshi qoplamasi yaxshi bo‘lmagani sababli, kuzovi juda qisqa vaqtda zang bilan qoplanadigan UAZ Patriot — to‘rtinchi o‘rinda.
1995—2006-yillarda chiqarilgan Nissan Almera beshinchi o‘rinni band etdi. Avtomobilning eshiklari, kapoti va yukxonasi qopqoqlarida tez zang paydo bo‘ladi.
Oxirgi o‘rinda 2002—2012-yillarda chiqarilgan Mazda 6 joylashdi. Zangdan yaxshi himoyalanmagan avtomobil kuzovi, e’tiborsizlik qilinsa, bir-ikki yilda chirib ketadi.
Izoh (0)