Наманган вилоятининг Уйчи туманида 4 та сектор эгасиз қолди. Бу ҳақда «Дарё» мухбири хабар бермоқда.
Сектор раҳбарлари — туман ҳокими Абдуғани Турдиев, туман прокурори Бахтиёр Абдураҳимов, туман ички ишлар бўлими бошлиғи Равшан Юсубжонов ва туман давлат солиқ инспекцияси бошлиғи Расулжон Отахонов эгаллаб турган лавозимидан озод этилган.
«Тўртлик» хизмат вазифаларига совуққонлик билан қараганлиги, агротехник тадбирлар белгиланган муддатларда амалга оширилиши, хусусан, ғўза парваришининг боришини етарлича назорат қилмаганлиги билдирилмоқда.
Ҳозирда туман ҳокимининг биринчи ўринбосари Илҳомжон Сатторов Уйчи ҳокими вазифасини вақтинча бажариб турибди.
Изоҳ (0)