Тошкент шаҳрида Тадбиркорлар ва ишбилармонлар ҳаракати—Ўзбекистон Либерал-демократик партияси сиёсий кенгашининг навбатдаги мажлиси бўлиб ўтди. Бу ҳақда партия матбуот хизмати хабар бермоқда.
Мажлисда ташкилий масалалар кўриб чиқилди. Ўзбекистон фермер, деҳқон хўжаликлари ва томорқа ер эгалари кенгаши раиси вазифасида ишлаб келаётган Актам Хаитов сиёсий кенгаш ижроия қўмитаси раиси этиб сайланди.
Шунингдек, сиёсий кенгаш таркибига ҳам ўзгартиришлар киритилди.
Маълумот учун, 2013 йил декабрь ойидан партия сиёсий кенгаши ижроия қўмитаси раиси лавозимида ишлаб келган Содиқжон Турдиев 2017 йил август ойида Андижон вилоятининг Жалақудуқ тумани ҳокими этиб тайинланган, Бахтиёр Ёқубов қўмита раиси вазифасини вақтинча бажариб келаётганди.
Изоҳ (0)