Туркияда суд 2015 йил Анқарада содир этилиб, 100 дан ортиқ кишининг умрига зомин бўлган портлаш ҳақидаги иш бўйича йўққиз кишини умрбод қамоққа ҳукм қилди, деб ёзади «РИА Новости».
2015 йил 10 октябрда икки нафар худкуш террорчи томонидан Анқара темир йўл вокзали яқинида амалга оширилган портлашлар натижасида митингнинг 102 нафар иштирокчиси ҳалок бўлди. Намойиш 2015 йил июлидан Туркияда тақиқланган Курдистон ишчилар партияси билан низо қайтадан бошланган мамлакат жануби-шарқидаги зўравонлик авжига қарши ўтказилаётган эди.
Пойтахт прокуратураси баёнотига кўра, теракт ИШИД террорчилик гуруҳининг турк ячейкаси томонидан ташкиллаштирилган. Аввалроқ терактни амалга оширишда 36 киши гумонланаётгани хабар берилган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)