Россиянинг Красноярск ўлкасида Ванкор кони яқинида Ми-8 вертолёти ҳалокатга учради, деб ёзади «РИА Новости».
ФВВ маълумотларига кўра, авария Игарка аҳоли пунктидан 2 км масофада Тошкент вақти билан 8:20 да юз берган.
Вертолёт бортида уч нафар экипаж аъзоси ва 15 нафар соқчилар бўлган. Хавфсизлик қоидалари бузилиши ҳақидаги модда бўйича жиноят иши қўзғатилди.
Вертолёт кимсасиз жойга қулаган. Воқеа жойидан иккала «қора қути» — парвоз параметрларини қайд этиш ускунаси ва борт ўзиёзари ҳам топилган. Уларнинг ҳолати аниқлаштирилмоқда.
Ми-8 парвоз чоғида ҳалокатга учраган, қулашигача у икки км йўл босган. Ҳаво кемаси вайрон бўлиб, ёниб кетган. Ер билан тўқнашган вақтида вертолётнинг иккала ёқилғи баки ҳам портлаб кетган.
Дастлабки маълумотларга кўра, ҳалокатга техник носозлик ёки учувчининг хатоси сабаб бўлган бўлиши мумкин.
Вертолёт UTair компаниясига тегишли бўлган.
Изоҳ (0)