Жанубий Кореяда икки ҳафтадан бери аномал иссиқ об-ҳаво сақланиб қолмоқда. Ҳаво ҳарорати доимий равишда 35˚ C дан юқорилаб бормоқда, деб ёзади Коммерсантъ.
1 август, чоршанба куни Сеулда сўнгги 111 йил ичидаги энг иссиқ об-ҳаво — 39,6˚ C қайд этилди. Мамлакат соғлиқни сақлаш вазирлиги маълумотларига кўра, жазирама сабаб шу кунга қадар 29 киши ҳаётдан кўз юмди.
Аномал иссиқ бутун ҳудудни қамраб олган. Аҳолиси бундай об-ҳавога кўникмаган Японияда ҳам ҳозирда ҳаво ҳарорати мунтазам 40˚ C дан юқорилаб бормоқда. Ўтган ҳафтада Кумагая шаҳрида Япония учун рекорд бўлган — 41,1˚ C даража иссиқ об-ҳаво қайд этилди.
Маҳаллий қутқарув хизматлари маълумотларига кўра сўнгги 3 ой мобайнида Япониянинг 57,5 минг аҳолиси жазирама сабаб (қуёш уриши ёки гипертермия) касалхонага етказилган. Улардан 125 нафари эса вафот этган.
Изоҳ (0)